15 DE OUTUBRO

DÍA DAS MULLERES ESCRITORAS

Este día celébrase para facer visible a aportación das mulleres na literatura, e reivindicar o seu papel fronte á falta de recoñecemento que as escritoras sufriron ao longo da historia.

Este ano, dende a biblioteca, organizamos unha exposición de mulleres escritoras. 

O alumnado de E.S.O coa axuda d@s  titor@s levou a cabo este traballo.

Por outra banda, ten lugar na biblioteca unha exposición de libros para celebrar esta data.

ENCONTRO COA DRAMATURGA CARME VARELA

 

Na nosa biblioteca tivo lugar o encontro da dramaturga galega Carme Varela co alumnado de 2º BACH E de artes escénicas e musicais.

Esta actividade foi organizada polo departamento de Lingua e literatura galega para a materia de artes escénicas.

A dramaturga falou co alumnado da súa traxectoria como escritora, centrándose  no seu primeiro texto dramático: As desterradas(2021) Premio Álvaro Cunqueiro.

Dúas alumnas Alba Pérez Villa e Valeria Moncado Avendaño dramatizaron un pequeno fragmento da obra.

 

CONCURSO BOOKFACE

Co gallo do día do libro, organizouse dende a nosa biblioteca o primer concurso de Bookface.

Estas foron as tres fotografías gañadoras.

Primeiro premio: Ayelén Ares Chang,1 Bach E

Segundo premio: Violeta Rodríguez Fernández1º eso A

Terceiro premio: Nikol Domínguez Lara 3ºEso B

Aquí as temos recibindo o seu premio. Parabens !!

De esquerda á dereita: Violeta, Nikol e Ayelén

 APADRIÑAMENTO e AMADRIÑAMENTO LECTOR 2024

O martes, 7 de maio, fixemos unha xuntanza o alumnado de 1º ESO  cos pequenos de Infantil do Colexio Seis do Nadal para facer un “apadriñamento e amadriñamento lector” dos maiores aos máis pequenos. 

Os meniños estiveron moi atentos todo o tempo coas historias que lles contaron os nosos alumnos e alumnas, que se amosaron como uns excelentes narradores de historias para os máis pequenos que, tras as lecturas, lles regalaron unhas flores que eles mesmos fixeran como agasallo para os contacontos. 

O día excelente e o entorno inmellorable.

Parabéns a todos e feliz maio!