Chegou xuño...e xa cheira a verán e vacacións!! Que gusto vai ser ir á praia e relaxarnos despois deste intenso ano.
Desde a Biblioteca queremos agradecer á toda a comunidade educativa (alumnado, profesorado e familias) a boa acollida da nosa biblioteca. Foi un ano cheo de actividades e eventos.
O noso obxectivo para o ano que vén é mellorar aqueles aspectos que nos indicastes nas enquisas e ir medrando conxuntamente.
Grazas a todos e todas!! Deica o ano que vén!! A gozar do verán!!!
Esta última semana de clase fixemos entrega dos diplomas ao voluntariado da Biblioteca. Desexamos que o vindeiro curso se una máis alumnado e que a familia de voluntariado siga a medrar.
Grazas pola vosa colaboración!!! Deica o curso 26-27!!!
E, coma todos os anos, chegou o día do apadriñamento e amadriñamento lector: o 5 de xuño. Este ano foi o alumando de 1º ESO C o encargado de lles leren ao alumnado de infantil do CEIP Plurilingüe Seis do Nadal. O encontro foi na Bouza, no barrio de Coia, para compartirmos lecturas ao aire libre e poñermos en valor a nosa contorna natural.
Coma sempre, foi un pracer ver como o alumnado de primeiro da ESO se implica e coida dos máis pequechos e pequechas.
Todos gozaron deste xornada lectora!
.jpg)
.jpg)
.jpg)
.jpg)
A radio do centro O son da Noca, coordinada polo profesor Amancio Prado, leva todo o ano realizando entrevistas a profesorado, alumnado, familias e ex alumnos e alumnas, para conmemorar o 50 aniversario do IES Alexandre Bóveda. Unha delas é a que se lle fixo a Beatriz Varandas, coordinadora da Biblioteca, que podedes escoitar na seguinte ligazón:
Que pasou, Alexandre? (Ep07): Cambios na biblioteca, coa nova coordinadora BeatrizVarandas
E aquí a ligazón a todos os podcasts:
Están ben interesantes, non deixedes de os escoitar!!
Este curso pasamos a integrar a rede de centros educativos na modalidade de Voluntariado na biblioteca escolar.
A resposta do alumnado foi moi boa ao longo deste curso e cumpriron as tarefas encomendadas: ordenar libros, pegar etiquetas da biblioteca, coidar que todo vaia ben, propoñer actividades, participar na decoración etc.
Moitas grazas pola vosa colaboración, rapazada!
Desexamos que o vindeiro curso continuedes con nós e que a familia de voluntariado medre máis!
