samaín na biblioteca
ACHégate á biblioteca e deixate horrorizar coa nosa selección de libros de medo e de terror!!! 👻👻👻
17.10.23
15 DE NOVEMBRO
DÍA DAS MULLERES ESCRITORAS
Para celebrar este día recibimos na biblioteca duás escritoras: Nones Araujo e Raquel Castro
Este día celébrase para facer visible a aportación das mulleres na literatura, e reivindicar o seu papel fronte á falta de recoñecemento que as escritoras sufriron ao longo da historia.
PRESENTACIÓN DAS ESCRITORAS:
NONES ARAÚJO.
O noso instituto tivo a sorte de que fose profesora de Lingua no Alexandre Bóveda. Cando se xubilou comezou a escribir, obtendo numerosos premios polos seus relatos, como o
Anxel Fole de Lugo por Imaxes roubadas, no 2021,
ou o “Alén” de Novela curta do Concello de Ares no 2022 pola súa última novela A Madriña, publicada en Hércules, ademáis doutros moitos recoñecemento e premios., c
En canto as súas novelas:
Imaxes roubadas, publicada en Xerais no 2022, e que Nones veu presentar tamén ese ano ao noso instituto,xa que a leramos no noso club de lectura. Son vinte e nove relatos inspirados en obras de arte. Impresións sobre as mesmas que suscitan historias moi suxerentes e que nos convidan a disfrutar da arte, da imaxinación e da lectura, nun percorrido artístico e literario que nos ensina a ver a arte dun xeito diferente, cheo de sensibilidade e imaxinación.
A madriña , publicada este ano e recén adquirida pola nosa biblioteca. Ambiéntase no ano 57 do século pasado e fala dunha nena, filla de país emigrados, que queda a cargo da súa madriña . Unha historia ambientada nunha época non tan lonxana no tempo e que promete ser moi interesante.
RAQUEL CASTRO.
Profesora tamén de Lingua galega, fundou en 1999 a Asociación Teatral de Alxén, da que é presidenta, e comezou a dirixir o grupo de teatro “Ata Sempre” . Escribe as pezas dos dous grupos que pertencen á asociación, infantil e adultos. Tamén escribiu pezas para o grupo de teatro do CEP Carlos Casares de Alxén. No IES Ribeira do Louro, onde traballa, dirixe un grupo teatral de alumnos e alumnas da ESO e coordina tamén o” Premio Roberto Vidal Bolaño de Teatro”, que se convoca en colaboración coa Editorial Galaxia e o Concello do Porriño.
Ten publicados varios títulos polos que obtivo numerosos premios e recoñecementos como, dentro da narrativa,
Bestiario doméstico ou Número atómico 74, no 2017.
O último, publicado este ano 2023, Sobremesas sobre versos, premiado co Premio Simbad de Literatura infantil para o Recordo e o Alzheimer, na que unha rapaza e a súa avoa elaboran sobremesas mentres lembran a mocidade e infancia no Courel dunha anciá que comeza a despoboarse de saberes e recordos. Mistúrase así nesta obra a poesía e a narrativa coas receitas das sobremesas.
Tamén publicou numerosas obras de teatro infantil e xuvenil, entre as que cito algunhas que lemos no instituto, como
As terapias da doutora Ledicia, que obtivo unha Mención de Honra nos Premios Estornela de Teatro Infantil (2014), que convoca a Fundación Xosé Neira Vilas, e foi finalista na Gala do Libro Galego 2016 na categoría de Teatro ;
A formiga fora do carreiro, co 2º premio ao Mellor libro de teatro en galego, en Fervenzas Literarias no 2018 e finalista na Gala do libro galego 2019 na categoría de Teatro, ademáis de estar incluida na lista lista OEPLI , que selecciona as mellores obras de autores españois en literatura infantil e xuvenil, no ano 2019;
Dormente, unha versión moi especial do conto tradicional da Bela dormente ( incluiuda na lista OEPLI 2021), ou
Planeta Bugallo, sobre extraterrestres galegofalantes na busca de galegofalantes en Galicia, cousa que lles custa (lista OEPLI 2022).
Tivo lugar un debate con elas e dous gupos de 1 de bacharelato, onde falaron directamente sobre o que significa para elas ser escritora, o que as levou a escribir. Contaron a súa experiencia sobre se se pode vivir da escritura en Galiza, comentaron temas como se se pode falar dunha literatura xenuinamente femenina, deron consellos para a rapazada que está empezando a escribir ou que se quere adicar a escritura. Opinaron tamén sobre os premios Nobel. Foi unha charla amena e moi interesante.
Raquel Castro e Nones Araújo (de esquerda á dereita)
Nós, este curso, temos no corredoiro, en fronte da biblioteca, unha exposición de mulleres que levaron o Nobel de literatura, e poderedes ver que hai bastantes escritoras recoñecidas, pero tamén que seguramente son moitas menos das que o merecerían.
13.10.23
FORMACIÓN DE USUARIOS NA NOSA BIBLIOTECA
Esta segunda semana do mes de outubro tiveron lugar na nosa biblioteca as sesións de formación de usuarios para o alumnado novo do noso instituto: o de 1ºESO.
As profesoras encargadas da biblioteca explicamos o funcionamento da mesma.
Animámolos tamén a formar parte dos diferentes clubs: de lectura, de manga, de xogos de mesa. de cambio clímático e do Comando Igualdade.
E sobre todo animámolos a visitar a nosa biblioteca e o apaixonante mundo dos libros !!
9.6.23
ENTREGA DE PREMIOS DO CERTAME LITERARIO
DE LINGUA GALEGA E LITERATURA
 |
| OS PREMIOS |
Convocamos un ano máis o certame literario do departamento de Lingua Galega e Literatura para celebrarmos o Día das Letras Galegas. .
A entrega de premios desenvolveuse na biblioteca do centro, con moitos nervios entre os nomeados e moitas palmas para os gañadores.
Para rematar, dámoslles os parabéns aos cinco gañadores, que foron os seguintes:
SABOROSO SON DOS VERSOS SALGADOS (poesía)
Ginés Amoedo Alén: Poema de desamor (e un pouco de amor)
Nerea Pallarés Barca: Vivo nesta cidade pequena
Victoria Súarez Santos : Para ti, home galego
TOLOSCONTOSCURTOS (prosa)
Jorge Silva Troncoso : Teresa
Iria Santos Romero: Primeiro amor
 |
| Jorge Silva Troncoso |
 |
| Nerea Pallarés Barca |
 |
| Victoria Suárez Santos |
8.6.23
ACOLLIDA DO ALUMNADO DE SEXTO DOS COLEXIOS ADSCRITOS
Esta semana o alumnado de Sexto de Primaria dos colexios adscritos: CEIP Illas Cies, CEIP Virxe do Rocío, Ceip Seis do Nadal e CEIP Balaídos visitaron o instituto, que será tamén o seu o vindeiro curso.
Foron recibidos polo departamento de Orientación e a Dirección. Percorreron o instituto, foron acollidos polo profesorado en distintos obradoiros e tamén pasaron pola biblioteca, onde as profesoras encargadas informaron brevemente do seu funcionamento.
A BATALLA DE RANDE
O 30 de maio recibimos no Club de Lectura o autor e debuxante do cómic A batalla de Rande, editado en galego pola editorial Galaxia. David Braña, guionista, e Pablo Pardo, debuxante, falaron do proceso de creación dun cómic: desde que xorde a idea da historia na cabeza do guionista ata que se plasma nas distintas viñetas.
A
batalla de Rande desenvólvese no ano 1702, durante a guerra de Sucesión española, cando galeóns españois, acompañados por forzas aliadas francesas, arribaron á ría de Vigo co maior tesouro que xamais cruzara o Atlántico.Ata alí, seguiunos a escuadra da coalición anglo-neerlandesa, coa idea de apoderarse dese cobizoso botín. A batalla foi encarnizada e, aínda hoxe, segue a ser motivo de especulacións, investigacións e, incluso, posta en relevo polo escritor Jules Verne na súa novela 20.000 leguas baixo dos mares.
Haberá tesouros afundidos na ría de Vigo?
Subscribirse a:
Publicacións (Atom)