Aínda que cun pouco de retraso, subimos as fotos da obra de teatro en inglés que tivo lugar a semana pasada. A obra, School's Out, representada polo grupo Clever paints e destinada a terceiro e cuarto, enmárcase dentro das actividades do plan anual de lectura do departamento de inglés, que xa con anterioridade organizara un contacontos en inglés para bacharelato a cargo de Charo Pita e Tim Bowley. O alumnado pasouno ben e incluso tivo ocasión de participar.
Amosando publicacións coa etiqueta inglés. Amosar todas as publicacións
Amosando publicacións coa etiqueta inglés. Amosar todas as publicacións
4.2.11
1.5.10
Contacontos en inglés
O pasado luns 26 estiveron na biblioteca Tim Bowley e Charo Pita e compartiron co alumnado de 1º BACH unha divertidísima sesión vespertina de contos en inglés con tradución ao galego. Foron dúas sesións, xa que tamén asistiu o alumnado do bacharelato musical e de artes escénicas que, aínda que teñen a súa sede no conservatorio, dependen do noso centro e comparten profes con nós.
Foi unha tarde entretida e de oídos afinados, onde Tim e Charo fixeron participar ao auditorio que conectou con eses contos que prenden as súas raíces na tradición oral de diferentes culturas.
11.2.10
Proxecto lector e inglés
Desde finais do pasado trimestre, os grupos de 4º veñen traballando a lectura de noticias de actualidade en inglés. Cada día un ten que ler nun xornal en inglés e traer ao día seguinte a noticia resumida. Cada grupo ten unha libreta na que van escribindo a súa noticia, co obxectivo de comentalas despois nas clases. Deixamos unha presentación (perdón pola calidade, mellor vela en fullscreen) dalgunhas páxinas das libretas de clase tal e como as presentan.
Subscribirse a:
Publicacións (Atom)