CLUBE DE LECTURA   Palabras de Caramelo

O pasado luns 26de febreiro tivemos a nosa segunda reunión do Club de Lectura de 1º de ESO. A obra que comentamos foi Palabras de Caramelo, de Gonzalo Moure. Unha obra que, como sempre, encantounos a todos. Comentamos como debe de ser a vida nun campo de refuxiados saharauis, onde vive o protagonista, e vimos un pequeno vídeo sobre a situación do Sahara Occidental, para comprender mellor a historia que nos conta o autor deste precioso relato.. Aos lectores e lectoras gustáronlles moito tamén os poemas que o protagonista compón inspirado polo seu amigo, o pequeno camelo. Tamén falamos sobre como unha persoa como Kori, un neno xordomudo e sen case recursos é quen de aprender a escribir e comunicarse a través da poesía e da linguaxe, gracias á axuda da súa profesora e á súa necesidade de comunicar o que sinte. 

Como sempre, unha novela que, aínda que curta, da moito para falar e para disfrutar da súa lectura.

XORNADAS PORTAS ABERTAS

Neste mes de xuño recibimos aos alumnos de sexto de primaria dos colexios  adscritos ao noso instituto: o CEIP Balaídos , o CEIP Illas Cies, o CEIP Seis do Nadal e o CEIP Virxe do Rocío.

Os nenos e nenas, acompañados dos seus mestres foron recibidos no salón de actos e logo puideron visitar as instalacións: as aulas de música, de plástica, os laboratorios, o ximnasio etc....e como non a nosa biblioteca!!

O BESBELLO SALTÓN .  A REVISTA DO IES ALEXANDRE BÓVEDA

Após dous anos á espreita, o noso Besbello volta saltar!
Este novo Besbello aparece con moitos folgos, pois son case 70 páxinas de debate, creación literaria,
receitas, entrevista...

Atrapa o Besbello neste enlace: 

O BESBELLO SALTÓN 2018

DÍA DAS LETRAS GALEGAS

O pasado luns 21 de maio celebramos o día das Letras Galegas. O Departamento de Lingua Galega e Literatura, con colaboración da Biblioteca do centro, convocara dous certames de creación literaria no mes de febreiro: un de relatos curtos co nome de Toloscontoscurtos e outro de poesía titulado Saboroso son dos versos salgados.

Os relatos e poemas  foron publicados nun volume conxunto. O alumnado do club de lectura pasou por todos os cursos na Hora de Ler e, en parellas, leu un relato e un poema premiado no concurso e falou sobre a vida e obra de Mª. Victoria Moreno, escritora homenaxeada este ano polas Letras Galegas.

Nos corredoiros do noso instituto tamén están expostos os carteis da exposición oficial da  Xunta sobre a vida e obra de María Victoria Moreno .Elaborouse tamén un cuestionario para entender mellor a traxectoria da autora.

ENTREGA DE PREMIOS TOLOSCONTOSCURTOS E SABOROSO SON DOS VERSOS SALGADOS

O pasado 9 de maio tivo lugar no salón de actos do noso centro a entrega de premios do concurso organizado polo departamento de lingua Galega e Literatura en colaboración coa biblioteca.

Os premiadas na categoría de relato foron:

                                     Salma Freire Sousa de 2ºBac D
                                     María González Martínez de 4ºEso D
                                     Carla Freiría Lorenzo de 2ºEso B
                                   
Os premiados na categoría de poesía foron:                                
                             
                                     Aitana Veloso Quiñoy  e Sara Faro Lubiáns de 1ºBac E
                                     Iago Comesaña Soliño de 4ºEso A
                                     Marcos Fragueiro Rodríguez de 2ºEso C
                                   
                                   
                                 

Os relatos e poemas premiados, e outros, foron publicados nun volume conxunto.

REVISTA TEIMA

 Este mes de maio no instituto pódese ver a exposición da revista Teima, a primeira revista en galego da democracia. Trátase dunha revista con frecuencia semanal de 36 números publicados entre novembro de 1976 e agosto de 1977.
Podemos comprobar como moitos problemas e temas tratados neses anos seguen de actualidade.

EXPOSICIÓN  NINA K. BARI

A terceira exposición do proxecto do centro foi dedicada á matemática rusa Nina K. Bari.
Xunto á exposición están tamén os traballos e carteis dedicados á figura desta matemática.

BIBLIOTECAS VIVENTES no MAR DE VIGO

O pasado 11 de abril os alumnos de 4º de ESO do instituto desprazáronse ao Mar de Vigo para a actividade "Bibliotecas Viventes"
Varios persoeiros especialistas de diferentes materias falaron da súa experiencia profesional dende a perspectiva galega comprometida da súa actividade. Puideron escoitar entre outros a Xurxo Souto, a unha científica do oceanográfico , unha enfermeira do Barbanza ou  un chef de cociña,.

CLUBE DE LECTURA 14 MAIO 2018

O libro elixido nesta ocasión foi O gardían entre o centeo do escritor norteamericano Jerome David Salinger. Os alumnos  que participaron cursan segundo ,terceiro e cuarto de ESO e tamén primeiro de bacharelato.
Expuxéronse varios puntos de vista sobre o personaxe principal: un quinceañeiro chamado Holden Caufield.Os alumnos consideraron que era demasiado infantil e non acababan de entender a súa forma de actuar ou pensar ante situacións que lle ían acontecendo.
Ademáis tamén lles costou entender o desenvolvemento da historia xa que consideraban que  non tiña nin principio nin fin, é dicir que era simplemente a historia de alguén durante uns días sen ningún obxectivo final.

Todos os alumnos consideraron que é unha lectura difícil , pola súa abstracción. Segundo eles é como ler os pensamentos de alguén que choca ca forma de ser do lector.
A experiencia foi positiva e chocante á vez  Positiva por ver a forma moi correcta ca que se expresan  e por ver como sacaban as súas propias conclusións sobre a forma de pensar de Holden Caufield. Débese dicir que nalgúns casos as conclusións con respecto ao personaxe eran moi críticas.
 Os alumnos non entenderon ben o libro,  estes adolescentes non entenderon a forma de actuar da personaxe sendo da mesma idade. En definitiva non se vían reflectidos nel. Parece que o libro non é moi acaído para estas idades e que as peripecias de Holden Caufield lles quedan moi lonxe.