O pasado luns 2 de decembro celebramos a 1ª xuntanza de clubs de Manga deste curso 2019-20. Viñeron a compartir con nós esta xornada de xogos e actividades os IES de Tui, Indalecio Prieto e Sampaio, os nosos veciños do IES Álvaro Cunqueiro, e unha pequena representación do club de Manga do IES Ricardo Mella.
Como en edicións anteriores disfrutamos dunha chea de actividades e concursos.
Comezamos ás 10 da mañá co xogo Pokemon
e outro como Adiviña o opening
Na biblio, mentres tanto, explicaban a dinámica de LOBOS.
para logo poder xogar ao largo da mañá dúas partidas deste xogo que gusta moitísimo.
Moi interesante foi a colaboración do club de xogos de mesa que dedicaron un tempo a explicar e xogar na biblioteca con todos e todas as interesadas.
No tempo do recreo para non interferir na dinámica do centro, léronse historias de Terror.
As actividades continuaron la segunda parte da mañá cun tutorial de Xaponés.
e un obradoiro de origami.
Para rematar as actividades da mañá no salón de actos podían anotarse a unha charla sobre Kpop ou participar nun Pictionary de Terror na sala de ordenadores da biblioteca.
O tempo de comer e compartir chegou. Viña ben un descanso logo da mañá tan completa e dinámica.
Á tarde comezamos no ximnasio cunha actividade moi divertida: Krampus vs Duendes. Pero ás 16.30 era a hora do concurso estrela: o concurso de Talentos
Coa entrega de premios puxemos fin a esta nova edición da Xuntanza de clubs de Manga despedindo ás novas amizades, cansos de xogar e compartir a nosa paixón.
Ningún comentario:
Publicar un comentario