O
pasado luns 14 de novembro tivemos a nosa primeira reunión do Club
de lectura coas lectoras e lectores de 1º de ESO. O libro que
escollemos foi Cando petan na porta
pola noite, de Xavier P. Docampo, unha
colección de catro narracións curtas de medo e que gañou hai uns
anos o Premio Nacional de Literatura Infantil. Estes relatos
arrepiantes gustáronnos moito a todos: cheas de crimes, aparecidos
e misterio, son desas historias para contar de noite, entre amigos.
Como di o seu autor, para contar ao carón do lume. Ao fío desas
historias terroríficas, tamén xurdiu o relato de lendas urbanas
como a da autoestopista da curva, que teñen moito que ver coas que
lemos no libro de Docampo.
A
reunión foi, como sempre, amena e divertida. Como as demais, tamén
foi endulzada con algunha que outra larpeirada.
Ningún comentario:
Publicar un comentario