DECEMBRO

 DAS SUPERHEROÍNAS E DOS SUPERHEROIS

                                     NA BIBLIOTECA.

Animádevos a pasar pola biblioteca e a soñar!!

 

      PREPARANDO O SAMAÍN

Esta semana  decoramos a biblioteca cos motivos do Samaín  e temos unha exposición de libros de temática terrorífica.

Os alumnos de 2º ESO A: Cayetana, Guille e Mónica fixeron este simpático cartel para animar ao alumnado a visitarnos.

 FORMACIÓN DE USUARIOS NA NOSA BIBLIOTECA

 Esta primeira semana do mes de outubro tiveron lugar na nosa biblioteca as sesións de formación de     usuarios para o alumnado novo do noso instituto.

 As profesoras  encargadas da biblioteca explicamos o funcionamento da mesma e entregamos ao   alumnado o seu carnet co seu número de lector.

Animámolos tamén a formar parte dos diferentes clubs: de lectura, de manga, de xogos de mesa e do Comando Igualdade. 

E sobre todo animámolos a visitar a nosa biblioteca e o apaixonante mundo dos libros !!

O alumnado de 1º E.S.O B na biblioteca coa súa titora e a coordinadora da biblioteca.

 

BIBLIOTECA I.E.S ALEXANDRE BÓVEDA

CURSO 2022-2023

Por fin neste mes de outubro podemos abrir de novo a nosa biblioteca.

Este pequeno retraso por mor das obras de mellora que se levaron a cabo durante o verán e que fan a nosa biblioteca máis acolledora.

VINDE  VISITARNOS!

 

ACOLLIDA DO ALUMNADO DE SEXTO DOS COLEXIOS ADSCRITOS

Esta semana o alumnado de Sexto de Primaria dos colexios adscritos: CEIP Illas Cies, CEIP Virxe do Rocío, Ceip Seis do Nadal e CEIP Balaídos visitaron o instituto que será tamén o seu o vindeiro curso.

Foron recibidos polo departamento de Orientación e a Dirección. Percorreron o instituto, foron acollidos polo profesorado en distintos talleres e tamén pasaron pola biblioteca ,onde as profesoras encargadas lles informaron brevemente do  seu funcionamento.

          CERTAME LITERARIO DO DEPARTAMENTO DE     LINGUA GALEGA E LITERATURA  

TOLOSCONTOSCURTOS (prosa) 

SABOROSO SON DOS VERSOS SALGADOS (poesía)

 Convocamos un ano máis o certame literario do departamento de Lingua Galega e Literatura para celebrarmos o Día das Letras Galegas. Despois de tantos meses teimando para que o noso alumnado utilizase o galego de xeito natural entre a comunidade educativa, propuxemos que deixasen voar a súa imaxinación e lle desen forma de relato ou poema.

A entrega de premios tivo lugar na biblioteca. Parabéns a todos os participantes !

Est@s son @s  alumn@s premiad@s:

María Mínguez Fernández de 1ºESO D por O pintor do mundo ao revés (poesía) e Un libro embruxado (Prosa)

Guillermo Barreira Heras de 1ºESO E por Iguais pero distintos (Poesía)

Alexia Multa Araújo de 3º ESO B por Ollos de Lúa  (prosa)

Elena Vila Riveiro de 2ºBACH a por A historia do noso primeiro bico (prosa)

PRESENTACIÓN DO LIBRO 

 IMAXES ROUBADAS de NONES ARAÚJO

Este mes de maio tivo lugar a presentación para os alumnos de 1º de Bacharelato do libro IMAXES ROUBADAS, pola súa autora Nones Araújo, ex profesora de lingua española do noso centro.

Os relatos de IMAXES ROUBADAS están inspirados por obras de arte imprescindibles.

A autora foi combinando a proxección de imaxes das obras  cos fragmentos dos relatos relacionados.

 ENTREGA DE PREMIOS

Esta semana tivo lugar na bliblioteca a entrega de premios para o diseño do logo da radio do noso centro: O SON DA NOCA, que naceu no noso instituto grazas  a iniciativa  do profesor de Lingua galega Kike Estévez.

Eiquí os premiados cos seus agasallos

 

CLUB DE XOGOS DE MESA

Este ano ten lugar na biblioteca o club de xogos de mesa, organizado polo profesor de tecnoloxía Daniel Pizarro e axudado por outros profesores do centro.

As rapazas e rapaces xúntanse na biblioteca nos recreos para realizar esta actividade.

 23 DE ABRIL DÍA DO LIBRO 2022

Dende a biblioteca do instituto e para celebrar o día do libro, organizouse un concurso de relato curto  baseado en íncipits de libros.

Participaron os departamentos de lingua castelá, lingua inglesa e lingua francesa e o alumnado de diferentes cursos.

Fíxose unha exposición dos relatos 

 

 e os premiados

 

       P(r)O(br)EMAS DE LA VIDA  Ingrid Caamaño Tubío

                                                                       

Este mes de abril, Ingrid Caamaño Tubío alumna de 1 de Bach no noso centro presentou o seu primer libro que publicou a Editorial Platero. En sendas quendas presentou o seu libro aos seus compañeiros: os alumnos de 3 de Eso e 1 bach. Ingrid falou da súa experiencia, contou o proceso de elaboración e de publicación. Logo os seus compañeiros leron algúns dos seus poemas.

                             PARABÉNS INGRID E MOITA SORTE NESTA ANDAINA!