O
Equipo da Biblioteca do IES Alexandre Bóveda quere desexarvos unhas
boas festas ateigadas de boa lectura. Para iso, queremos achegarvos as
nosas suxestións lectoras, de temática e xénero variados, que axudarán a
que unha tarde chuviosa de manta e sofá se converta nunha experiencia
transformadora e inesquecible.
Podedes ver o vídeo na seguinte ligazón.
Bo Nadal e feliz aninovo!
En xaneiro comezaremos cun novo proxecto: o Club de lectura de familias e profesorado. Esta iniciativa xorde, principalmente, para promover a relación dos distintos sectores da comunidade educativa que forman parte do IES Alexandre Bóveda. Outra das razóns que nos impulsa é a estreita colaboración co Club de lectura do CEIP Plurilingüe Seis do Nadal. Deste xeito, compartiremos lecturas e as sesións e encontros cos escritores e escritoras.
As propostas lectoras son:
-Onde nacen as bestas, de Pedro Feijoo.
-A casa grande, de Olaia Sendón
-Mulleres que viven xuntas, de Abril Camino
-Obras de Begoña Caamaño
Como estamos en tempo de Nadal, a Biblioteca organizou un obradoiro de adornos de Nadal. Dúas alumnas de 3º ESO foron as encargadas de coordinalo.
Moito aprendemos delas!!
.jpg)
.jpg)
Branca Trigo, escritora e editora, achegouse ao instituto para realizar un obradoiro de escrita creativa, dirixido ao alumnado de bacharelato de artes escénicas.
Cada un dos participantes deseñou o seu fanzine que incluía escrita e debuxo.
Viva a creación!
.jpg)
.jpg)
.jpg)
Con motivo do Samaín, organizáronse dramatizacións de contos de medo na Biblioteca que se realizaron durante os recreos do 31 de outubro. Os teatreiros e teatreiras que participaron pertencen ao Club de Teatro que se creou este ano desde a Biblioteca.
Por moitas máis funcións!
Xunto co equipo do EDLG e o voluntariado da Biblioteca decoramos con motivos do Samaín o interior da Biblioteca e os corredores próximos. Entre eles, pantasmas con textos de medo de autores e autoras da nosa literatura, photocall e epitafios e animais fantásticos elaborados polo noso alumnado.
O 30 de outubro celebrouse na biblioteca a entrega de premios dos concursos organizados para o Samaín: concurso de decoración de portas "As portas do Inferno", concurso de epitafios e concurso de microrrelatos de terror, organizados polo EDLG, o departamento de galego e a biblioteca.
Parabéns ás persoas gañadoras e moitas grazas pola participación, especialmente ao alumnado dos cursos baixos que amosou unha gran creatividade e entusiasmo.
Este curso 25-26 comeza unha nova etapa para a Biblioteca do IES Alexandre Bóveda.
Queremos convertela nun espazo de lectura informal e creativo. Para iso, comezamos con parte da renovación do mobiliario e do espazo e...nos próximos meses e cursos seguirán a producirse cambios en todos os aspectos (paciencia e dádenos tempo!).
Queremos que todos e todas participedes con nós nesta "revolución"!!! Parte dela podedes apreciala a partir da terceira imaxe.
