2.12.18

XUNTANZA DOS CLUBS DE MANGA

O pasado luns, 12 de novembro, , o Club de manga do IES Alexandre Bóveda inauguramos a tempada organizando a primeira xuntanza de Clubs de manga deste curso 2018-19.Os membros do club traballaron arreo organizando unha chea de actividades, concursos, charlas… 
Pouco a pouco foron achegándose ao club de Manga do Coia 4 , Escolas Proval de Gondomar, IES A Paralaia de Moaña e este ano estrenábaNse o club de Manga do IES Valadares e do IES Carlos Casares. Benvid@s!!

A mañá comezou co recibimento e xa axiña comezou o Torneo de Pokemon con temática de Halloween na biblioteca para uns, mentres que outros permaneceron no salón de actos para escoitar o concurso de historias de terror.

Logo comezou o concurso de Cosplay, tamén no salón de actos, en tanto que na biblioteca se celebraba o Quiz de terror. Tiveron que tomar decisións no concurso de Cosplay e no de talentos. En ambos o público estivo entregado ante a calidade dos concursantes.  



Mentres na biblioteca tiña lugar un torneo de Pictionary con personaxes manga e temática de Halloween, o escenario do salón de actos enchíase cos participantes do Random K-Pop Challenge.
No concurso de debuxo houbo varios participantes . Todos os que acudiron á xuntanza, recibiron á entrada un gomet que debía colocar sobre o debuxo que máis lle gustase. E a verdade é que non resultaba nada doado escoller.



Nos demais concursos houbo un imparcial xurado composto por Alba do Álvaro Cunqueiro, María do IES Valadares e Curro do IES A Paralaia. E seica non o tiveron nada fácil para decidir quen gañaba cada concurso.
Ao mediodía, houbo pausa para comer, para interactuar e para coñecerse mellor. E a tarde comezou coa entrega de premios, que estaba prevista para última hora, pero adiantouse porque algúns tiñan que marchar antes de que rematase a xornada.
E tamén pola tarde houbo variedade de actividades para escoller: uns participaron na charla sobre maquillaxe de efectos especiais, mentres que outros sairon ao patio para xogar a Lobos. Finalmente non deu moito tempo e a partida quedou sen xogar. Foi unha mágoa, pero polo menos aprendemos a dinámica do xogo, e queda pendente a partida para a vindeira ocasión.
Rematamos a xuntanza coa obra de teatro representada por todos os membros do noso club e escrita por Saray, un éxito e unhas risas que intentaremos representar en outras celebracions do instituto. Un fantástico xeito de celebrar Halloween.
Despedímonos ata a próxima xuntanza ,contentos de que todo saira ben, a organización foi estupenda,os rapaces traballaron moito e remataron moi cansos pero felices. Parabéns aos rapaces e rapazas!!!



CLUB DE LECTURA  MÍO,MI PEQUEÑO MÍO

O LUNS 5 DE NOVEMBRO REUNÍMONOS TAMÉN O CLUB DE LECTURA DE 2ºESO PARA FALAR DE” MIO, MI PEQUEÑO MÍO”, DE ASTRID LINDGREN.



A XUNTANZA FOI MOI POSITIVA XA QUE É UN LIBRO QUE GUSTA MOITO AO ALUMNADO MÁIS NOVO. ADEMAIS DE CONTAR A SÚA IMPRESÍON DA NOVELA, FORON QUEN DE DESCUBRIR ALGUNHAS DAS VOCES ÁS QUE RECORRE A AUTORA, TALES COMO OS CONTOS POPULARES EUROPEOS COMO BRANCA NEVES, OU O FRAUTISTA DE HAMMELIN, AOS QUE A AUTORA DA A VOLTA E OS CONVERTE EN POSITIVOS.
TAMÉN MENCIONARON RECURSOS QUE RELACIONARON CON HARRY POTTER , PERO QUE VEÑEN DA NOSA TRADICIÓN ORAL COMÚN E DO MEDIEVO, COMO A CAPA MÁXICA DE SIGFRIDO.
E  EMOCIONARONSE COAS METÁFORAS TAN AMABLES E AFECTUOSAS COAS PERSOAS E A NATUREZA.


CLUB DE LECTURA  BARRO DE MEDELLÍN


O PASADO 5 DE NOVEMBRO TIVO LUGAR NA BIBLIOTECA DO NOSO INSTITUTO O PRIMEIRO CLUB DE LECTURA DOS PEQUENOS. NESTA OCASIÓN OS ALUMNOS DE 1º DE ESO FALARON DE  BARRO DE MEDELLÍN DE ALFREDO GÓMEZ CERDA.








Este é o resumo de Mateo Segovia de 1º ESO D :

Barro de Medellín é un libro que trata sobre dous nenos que viven no barrio de Medellín, Colombia. A súa vida transcorre mentres dan paseos polo seu barrio, o máis fermoso do mundo enteiro. O pai dun é delincuente e o doutro é alcohólico. Camilo ten a permanente idea de que o seu único futuro é ser ladróns e que de maiores formarán unha banda , eles serían os xefes, pero el máis que o seu amigo Andrés. O que non se esperan é que unha inesperada viaxe á biblioteca Parque España alterará a súa forma de ver a vida. 
Os aspectos que mellor resalta o libro son:
·A felicidade malia non ter nada: para eles o único necesario é a súa amizade.
·Fai que valoremos moito as cousas que temos e que no mundo hai xente que de verdade o pasa mal.
·Dá que pensar sobre que hai nenos no mundo que non teñen uns pais que os protexan de todo, senón que ata os maltratan.
·Tamén que nunca é tarde para dar marcha atrás e recapacitar sobre o que fixeches.

Recomendo de verdade este libro, faiche valorar as cousas que tes pero non te dás conta do importante que son na nosa vida cotiá, aquí, no primeiro mundo.

8.11.18


DÍA EUROPEO DAS LINGUAS






No noso centro ensínanse e aprendemos dúas linguas estranxeiras (inglés e francés) dúas linguas clásicas (grego e latín) e tamén, evidentemente, o castelán e o galego, o que permite que os nosos alumnos adquiran destrezas en diversas linguas e desfruten da diversidade cultural e lingüística europea.

Para iso nos sumamos á celebración do Día Europeo das Linguas, que por iniciativa do Consello de Europa de Estrasburgo vense celebrando dende 2001 o 26 de setembro de cada ano. Se queredes saber máis sobre o Día Europeo das Linguas visitade a páxina web do Consello de Europa. Atoparedes información, xogos, quiz de linguas etc...

Os profesores de lingua coa colaboración do Equipo de Normalización Lingüística traballamos con este motivo diferentes aspectos  da diversidade lingüística e cultural como por exemplo como a lingua cambia a nosa visión do mundo.










 CURSO 2018-2019  UN ANO MÁIS
         
           BENVIDOS Á BIBLIOTECA DO IES                          ALEXANDRE BÓVEDA !




No mes de outubro tivo lugar a formación de usuarios  para os alumnos de 1º de ESO. As profesoras encargadas da biblioteca explicaron o funcionamento da mesma e entregaron o carnet aos novos alumnos.
 Animádevos a visitarnos !!









27.9.18

CLUB DE LECTURA  Barro de Medellín


En  maio xuntámonos para a nosa pequena festa da lectura e charlar sobre a novela Barro de Medellín do autor Alfredo Gómez Cerdá. Aproveitamos que a hora de lectura coincidía a última hora da mañá e fomos a biblioteca para poñer en común as nosas opinións e puntos de vista sobre esta novela que gañou no ano 2009 o Premio Nacional de Literatura Infantil y Juvenil concedido polo Ministerio de Cultura. A novela inspírase no feito real da construción dun gran parque biblioteca no barrio de Santo Domingo Savio da cidade colombiana de Medellín, edificada con fondos de la Agencia Española de Cooperación (AECID), co obxectivo de intentar educar en valores, así como no respecto a cultura e o patrimonio cultural aos xoves do deprimido barrio de Santo Domingo.
Comezamos cun pequeno vídeo onde as doce alumnas e alumnos de 1ºESO que me acompañaban esa mañá puideron coñecer en primeira persoa a Pedro, un “neno guía” que con 10 anos xa traballa todos os días amosando a súa cidade aos turistas. Todos aprendemos moito coa lectura desta novela: decidimos quen era a nosa personaxe favorita (cuestión na que tivemos opinións variadas), quen nos gustaba menos (aquí, debo dicir, que todos e todas coincidimos), falamos da vida, dos problemas familiares que ás veces nos asolan, xuntos recoñecemos que somos afortunados por poder dispoñer dunha biblioteca, dun instituto e dunha vida relativamente doada e, finalmente, admitimos que todas e todos os alí presentes non só amamos a literatura senón tamén aprender cousas novas e, sobre todo, que nos conten historias que nos emocionen e nos fagan cada día un pouco máis sabios.


















22 SEGUNDOS
O mércores 20 de xuño tivo lugar a última xuntanza do clube de lectura de maiores.
O  libro trata o  tema da transexualidade. Na opinión dos  membros do club de lectura é un tema de grande actualidade e comentan que a OMS ven de declarala “NON ENFERMIDADE”. Ademáis foille  entregado un Oscar a unha película sobre o tema.
“Do que non se fala non existe” é o punto de partida da charla.
A todos lles gustou o libro. Literariamente é sinxelo, sen pretensións,  mesmo para rapaces sen  moita inclinación á lectura, xa  que lles servirá para reflexionar.
De lectura doada, é útil para “recoñecerse” apunta un lector.
Falamos do contexto no que ocorre a historia e das relacións entre a personaxe-protagonista e o seu avó, especialmente emotiva  e ideal. Por outra parte, a que mantén coa súa nai, que representa a parte social e real. Por último, coa súa mellor amiga-parella.
O feito de engadir  a dirección dun blog, alexftm, que existe na realidade, apórtalle  un dato máis  a un tema de interese social.
Os lectores do club consideran que sería unha lectura obrigatoria apropiada  para os alumnos de 1º ESO.
Resultou unha charla tremendamente amena e proveitosa.

2.7.18

CLUB DE LECTURA  Barro de Medellín

En  maio xuntámonos para a nosa pequena festa da lectura e charlar sobre a novela Barro de Medellín do autor Alfredo Gómez Cerdá. Aproveitamos que a hora de lectura coincidía a última hora da mañá e fomos a biblioteca para poñer en común as nosas opinións e puntos de vista sobre esta novela que gañou no ano 2009 o Premio Nacional de Literatura Infantil y Juvenil concedido polo Ministerio de Cultura. A novela inspírase no feito real da construción dun gran parque biblioteca no barrio de Santo Domingo Savio da cidade colombiana de Medellín, edificada con fondos de la Agencia Española de Cooperación (AECID), co obxectivo de intentar educar en valores, así como no respecto a cultura e o patrimonio cultural aos xoves do deprimido barrio de Santo Domingo.
Comezamos cun pequeno vídeo onde as doce alumnas e alumnos de 1ºESO que me acompañaban esa mañá puideron coñecer en primeira persoa a Pedro, un “neno guía” que con 10 anos xa traballa todos os días amosando a súa cidade aos turistas. Todos aprendemos moito coa lectura desta novela: decidimos quen era a nosa personaxe favorita (cuestión na que tivemos opinións variadas), quen nos gustaba menos (aquí, debo dicir, que todos e todas coincidimos), falamos da vida, dos problemas familiares que ás veces nos asolan, xuntos recoñecemos que somos afortunados por poder dispoñer dunha biblioteca, dun instituto e dunha vida relativamente doada e, finalmente, admitimos que todas e todos os alí presentes non só amamos a literatura senón tamén aprender cousas novas e, sobre todo, que nos conten historias que nos emocionen e nos fagan cada día un pouco máis sabios.


















22 SEGUNDOS
O mércores 20 de xuño tivo lugar a última xuntanza do clube de lectura de maiores.
O  libro trata o  tema da transexualidade. Na opinión dos  membros do club de lectura é un tema de grande actualidade e comentan que a OMS ven de declarala “NON ENFERMIDADE”. Ademáis foille  entregado un Oscar a unha película sobre o tema.
“Do que non se fala non existe” é o punto de partida da charla.
A todos lles gustou o libro. Literariamente é sinxelo, sen pretensións,  mesmo para rapaces sen  moita inclinación á lectura, xa  que lles servirá para reflexionar.
De lectura doada, é útil para “recoñecerse” apunta un lector.
Falamos do contexto no que ocorre a historia e das relacións entre a personaxe-protagonista e o seu avó, especialmente emotiva  e ideal. Por outra parte, a que mantén coa súa nai, que representa a parte social e real. Por último, coa súa mellor amiga-parella.
O feito de engadir  a dirección dun blog, alexftm, que existe na realidade, apórtalle  un dato máis  a un tema de interese social.
Os lectores do club consideran que sería unha lectura obrigatoria apropiada  para os alumnos de 1º ESO.
Resultou unha charla tremendamente amena e proveitosa.



14.6.18

   CLUBE DE LECTURA   Palabras de Caramelo

O pasado luns 26de febreiro tivemos a nosa segunda reunión do Club de Lectura de 1º de ESO. A obra que comentamos foi Palabras de Caramelo, de Gonzalo Moure. Unha obra que, como sempre, encantounos a todos. Comentamos como debe de ser a vida nun campo de refuxiados saharauis, onde vive o protagonista, e vimos un pequeno vídeo sobre a situación do Sahara Occidental, para comprender mellor a historia que nos conta o autor deste precioso relato.. Aos lectores e lectoras gustáronlles moito tamén os poemas que o protagonista compón inspirado polo seu amigo, o pequeno camelo. Tamén falamos sobre como unha persoa como Kori, un neno xordomudo e sen case recursos é quen de aprender a escribir e comunicarse a través da poesía e da linguaxe, gracias á axuda da súa profesora e á súa necesidade de comunicar o que sinte. 
Como sempre, unha novela que, aínda que curta, da moito para falar e para disfrutar da súa lectura.

13.6.18

XORNADAS PORTAS ABERTAS

Neste mes de xuño recibimos aos alumnos de sexto de primaria dos colexios  adscritos ao noso instituto: o CEIP Balaídos , o CEIP Illas Cies, o CEIP Seis do Nadal e o CEIP Virxe do Rocío.





Os nenos e nenas, acompañados dos seus mestres foron recibidos no salón de actos e logo puideron visitar as instalacións: as aulas de música, de plástica, os laboratorios, o ximnasio etc....e como non a nosa biblioteca!!

O BESBELLO SALTÓN .  A REVISTA DO IES ALEXANDRE BÓVEDA

Após dous anos á espreita, o noso Besbello volta saltar!
Este novo Besbello aparece con moitos folgos, pois son case 70 páxinas de debate, creación literaria,
receitas, entrevista...
Atrapa o Besbello neste enlace: 

O BESBELLO SALTÓN 2018



6.6.18


DÍA DAS LETRAS GALEGAS
O pasado luns 21 de maio celebramos o día das Letras Galegas. O Departamento de Lingua Galega e Literatura, con colaboración da Biblioteca do centro, convocara dous certames de creación literaria no mes de febreiro: un de relatos curtos co nome de Toloscontoscurtos e outro de poesía titulado Saboroso son dos versos salgados.

Os relatos e poemas  foron publicados nun volume conxunto. O alumnado do club de lectura pasou por todos os cursos na Hora de Ler e, en parellas, leu un relato e un poema premiado no concurso e falou sobre a vida e obra de Mª. Victoria Moreno, escritora homenaxeada este ano polas Letras Galegas.











Nos corredoiros do noso instituto tamén están expostos os carteis da exposición oficial da  Xunta sobre a vida e obra de María Victoria Moreno .Elaborouse tamén un cuestionario para entender mellor a traxectoria da autora.