25.12.17


O pasado luns, 27 de novembro, reunímonos por primeira vez neste curso as lectoras e lectores do club de lectura de 1º de ESO.
De novo, a primeira lectura que fixemos no curso foi de relatos de medo. Esta vez, o libro escollido foi A neve interminable, de Agustín Fernández Paz, autor xa coñecido por todos os membros do club, que comentaron outras obras del, como Cartas de inverno, tamén con algún relatos de terror. Falamos, ademáis, dos relatos que máis lles gustaron, como o de “A casa azul” e o terror diso que nunca vemos pero que podemos imaxinar; ou o de “A néboa da vinganza”, “Un incidente no internado”,e “Herdanza de sangue”, historias de vampiros e de pantasmas que nos engancharon. Pero tamén comentamos a historia que envolve todos eses relatos: a dos escritores e guionistas que se reúnen nun hostal aillado no monte, na Fonsagrada, para facer o guión dun programa de televisión “As fronteiras do medo” e, como fixeran tamén Byron, Mary Shelley e outros escritores hai moito tempo, cada un le a súa historia cada noite, ata que descubren que eles mesmos están dentro dunha historia de terror: non só porque algúns dos personaxes do hostal que crían reais levaban mortos xa anos, como se descubre por unha nota manuscrita atopada por un dos protagonistas, senon pola neve que os ten aillados alí e que non para de caer. Como di un dos personaxes, esa si que era unha “historia de terror actual”.
Como sempre, a conversa estivo acompañada dunha merenda con biscoitos.



100 ANOS DA REVOLUCIÓN RUSA

Para finalizar o trimestre inauguramos e expo 100 ANOS DA REVOLUCIÓN RUSA 1917-2017 con paneis informativos sobre os personaxes e os feitos máis relevantes desta etapa da historia do século XX que mudou o mundo. Dende Marx e Engels, os filósofos redactores do “MANIFESTO COMUNISTA” que impulsou a revolución dos soviets, pasando pola familia imperial rusa e o monxe intrigante Rasputín, a expo percorre os inicios da revolución coa manifestación das obreiras de San Petersburgo pedindo PAN E PAZ, debido ás penurias que estaba a soportar o pobo ruso pola participación na 1ª Guerra Mundial.
Completan e expo mapas e materiais literarios cedidos pola ASOCIACIÓN MÁXIMO GORKI de Vigo en alfabeto cirílico, e os fondos bibliográficos da nosa biblioteca tanto da literatura rusa como doutras materias, en especial a filosofía e cine, con películas míticas como DOCTOR ZHIVAGO ou os textos filosóficos de Karlos Marx.
Acompañando a estos personaxes que transformaron o mundo, dedicamos un espazo ás mulleres revolucionarias, como Alexandra Kollontai, a primeira muller do mundo en ter un cargo político como Comisaria do pobo, ou Nadezhda Krúpskaya, alto cargo do partido Comunista ruso. Ambas levaron a cabo una intensa labor en favor dos dereitos das mulleres establecendo una lexislación que favorecía a igualdade e a conciliación da vida familiar e laboral. Na expo están acompañadas doutras mulleres que destacaron ao longo do século XX como feministas de esquerdas. Por iso esta parte da expo titúlase SEN AS MULLERES NON HAI REVOLUCIÓN. Será esta a revolución do século XXI?





29.10.17

Primeiro encontro do club de Manga do noso insti!!!.
O luns 9 de outubro quedamos a xantar na Biblio . Era a nosa primeira xuntanza do curso polo que tiñamos como obxectivo principal coñecer os novos compañeiros e compañeiras, tanto de 1º de ESO coma doutros cursos que se animaron a participar con nós.
Cada quen foi presentándose e comentando os seus gustos e preferencias de animes, mangas, personaxes…, xa somos un montón de xente!. Lembramos o horario das reunións do club, 2º recreo dos martes e xoves na aula Hipatia; e lembramos tamén o compromiso de participar activamente nas actividades e iniciativas do club.
Nesta sesión Alba Naveiro e Lucía Carrera de 1ºESO contáronnos as novidades en Animes para este curso e rematamos vendo unha reportaxe en YOUTUBE sobre estas novidades das que sinalamos a ligazón:


Despedimos a sesión, Lucía G. Moure de 1º de bacharelato deunos unha pequena lección sobre xaponés, abecedario e números. Parece difícil pero seguiremos aprendendo.

18.10.17

BIBLIOTECA ALEXANDRE BÓVEDA
CURSO 2017-2018


BENVIDOS DE NOVO Á BIBLIOTECA DO ALEXANDRE BÓVEDA


AGARDAMOS MOITAS VISITAS!

Xa presentamos a biblioteca ao novo alumnado de 1º de E.S.O
Recordade sempre o voso número de lector. Precisádelo para facer préstamos!!

26.6.17

Xornada do Club de Lectura


O pasado sábado 17 de xuño as profesoras Marisol Mariño  e Ana López xunto con dez alumnos acudimos a cita dos clubs de lectura en Santiago.


Na primeira sesión plenaria podemos disfrutar da presenza de M.Anxo Prado. Na seguinte Oscar López de Página 2 do segundo canle de TVE enseñounos como recomendar lecturas facendo  un programa nunha canle de imaxe.

Na seguinte sesión, a profesora Ana López estivo na sesión “ Lectores (des)conectados”  de Inés Miret e a posteriormente “Paseos literarios” de Mercedes Queixas. Os rapaces acudiron a distintos talleres: como escribir un relato de medo, como facer una banda etc.

Despois dun xantar, abafados,  algúns alumnos intercambiaron libros con outros nuns espacios espallados polo hall e reuníronse con  alumnos doutros centros.

A última sesión estivo a cargo do escritor César Mallorquí “Elogio de la mala literatura” animando a ler, xa que lendo é como se aprende a escoller a boa lectura.


Para os alumnos foi moi gratificante poder facer un taller de dibuxo con M.Anxo Prado, poder conversar con Ledicia Costas e Fran Castro entre outros escritores.

Para rematar un grupo de música tradicional  pechou as Xornadas.

La música del viento


O luns 19 de xuño os lectores e lectoras do club de lectura de 1º de ESO tivemos a nosa derradeira reunión deste curso. O libro que lemos foi La música del viento, de Jordi Sierra i Fabra. O protagonista decide viaxar ata a India para liberar a un neno que ocultara nunha alfombra feita a man unha nota cunha chamada de socorro. Aínda que xa era demasiado tarde para el, ó final consegue liberar a outros cinco rapaces escravizados na fábrica de alfombras. A historia inspírase nun personaxe real: Iqbal Masih, un neno paquistaní que puido escapar dunha desas fábricas aos dez anos e que se convertiu nun activista contra a explotación laboral dos nenos como el, ata que foi asesinado con doce anos, o 16 de abril de 1995. Esta data  estableceuse desde entón como o día Mundial contra a Explotación Infantil.

O libro gustounos moito a todos, non so polo que ten de novela de aventuras que “engancha” na súa lectura,  senon tamén polo retrato tan suxestivo que fai da India, un país tan diferente ao noso, e ao que moitas das lectoras e lectores decidiron que querían viaxar. Ademáis, como conclusións que sacaron da lectura,  reflexionaron sobre a situación privilexiada dos menores occidentais e de como a historia de Iqbal, da cal puxemos un vídeo, é  un exemplo de que sempre se pode loitar contra os problemas, aínda que parezan case insuperables.

E, cómo non!, tamén esta vez a reunión estivo acompañada dalgunha larpeirada, esta vez un biscoito, para endulzar a conversa.

20.6.17

Europa Express (Andrea Maceiras)

 O pasado luns fixemos a derradeira xuntanza do club de lectura dos "maiores" ( 2ºESO-Bac) deste curso.
Se sempre ler un libro supón viaxar sen moverse do sofá, esta vez a viaxe en si mesmo era o fío conductor da historia. Montamos no tren con Aroa, Xacobe , Nico, Beatriz, Óscar Piero e Mía e realizamos o noso particular interrail. Comenzamos descubrindo os lugares que eles visitaron axudados por unha presentación de imaxes, todos preciosos. E igual que fixeron eles, os nosos lectores e lectoras decidiron marchar xuntos de interrail ao remate do bacharelato.

Pero máis alá deste periplo, está a viaxe interior de cada un dos adolescentes e a influencia que exerceu a morte "misteriosa" dun dos amigos. Comentamos a coincidencia da postal, como un feito trivial -descubrir ese bico retratado casualmente- saca a luz os segredos da alma, as relacións escondidas e como o pasado condiciona o presente.
Pareceunos que a estructura de contrapunto fora un acerto para manter a atención e a intriga. Gustounos que intercalara o momento presente co pasado  e que xogara con narradores diferentes. Analizamos a postura de cada adolescente, non compartimos moito a actitude de Aroa ou a postura de Xacobe con ela, pareceunos encantador Piero...

Foi un remate fantástico, o libro encantounos e os doces cos que acompañamos a nosa charla, tamén.

13.6.17

Circunloquio de lectura

O pasado xoves, tivo lugar unha nova sesión do Circunloquio de lectura. Como nas anteriores edicións, reunímonos algúns profesores e profesoras do instituto para conversar sobre lecturas.

Falamos de libros, dalgunha que outra serie, de adaptacións cinematográficas e cadaquén mostrou as súas suxestións. Todo,  por suposto,  aderezado cunha boa bebida e saborosos "pinchiños".

Sempre resulta un grato pracer reunirse para falar de libros pois descubrimos novas tentacións lectoras que agora compartimos con todos vós.

Estas son as suxestións que fixo cada persoa:


Ángeles López:
Cristina Fernández:
Luz Valencia:
Marian
Ana López:
Dani Rodríguez:
Pilar Domínguez:
Rosa Conde
Celia García:

7.6.17

Concurso de robótica


O alumnado da materia de Robótica de 1º e 4º da ESO participaron nun novo concurso de robótica. A biblioteca serviu de espazo para esta actividade.


6.6.17

COMICÓN intercentros Moaña

O club de Manga do noso centro participou o día 12 de maio na COMICON Intercentros que organizaron os institutos de secundaria de Moaña, IES Paralaia e IES As Barxas. 

Navegamos pola ría cedo pola mañá para estar na inauguración destas xornadas, venres e sábado, onde nos atopamos con coñecidos compañeiros e compañeiras dos clubs de manga cos que xa nos xuntamos en numerosas ocasións.

En Moaña agardábanos una mañá chea de actividades, charlas, concursos, tendas onde mercar… todo un mundo organizado polos colegas, cunha calidade impresionante. 

Iniciamos o día asistindo como público á gravación dun lidup no que participaron todos os colexios públicos de Moaña, tanto de primaria como de secundaria; ata os pequechos de infantil!!!

Tamén  colaboramos nas charlas e disfrutamos das distintas actividades programadas. Moitos quedámonos a comer e volvemos ao día seguinte a disfrutar e participar desta COMICON que acadou un nivelazo!!!! 

5.6.17

En Ourense co Club de Lectura

O venres día 2 de xuño 31 alumnos do club de lectura e as dúas profesoras responsables do club, Marisol Mariño e Ana López, fixemos un percorrido por Ourense rememorando aqueles lugares que forman parte da nenez e xuventude do escritor Carlos Casares, homenaxeado, este ano, no día das Letras Galegas.

Empezamos o percorrido no parque de San Lázaro, onde dúas alumnas leron fragmentos da obra " Cambio en tres"  (1969) que se sitúan neste parque e na Rúa do Paseo.                                                                                         .
O parque de San Lázaro está presente tanto nos seus xogos de neno como na súa primeira etapa de xornalista no xornal La Región de Ourense. Alí, no Café  Parque, lugar de tertulias literarias,  Casares escoitou, entre outros, a  Risco, o cal se recolle no fragmento que tamén limos de "Un país de palabras"


Continuamos pola rúa do Paseo, onde xogaba o autor cos seus amigos,  pero tamen era a rúa onde estaba orixinariamente o edifcio do xornal "La Región", diante do cal pasamos.

Antes de seguir cara a Alameda, fixemos unha parada na Deputación de Ourense , depositaria dun impresionante cadro do pintor galego Vidal Souto. O cadro encantounos a todos.

Na Alameda, tamén presente na obra de Casares, outros dous alumnos leron fragmentos de  "Vento ferido" (1967).


Seguimos o noso percorrido cara a Catedral pasando pola igrexa de San Francisco. Diante dunha porta da Catedral, dúas  alumnas leron  fragmentos de "Ilustrísima", unha das novelas máis ourensás do autor.

Finalmente, chegamos ao Concello, na Praza Maior, onde un alumno leu, para finalizar o noso roteiro, o poema "Amemos" .

Rematamos o noso día no río ,nas pozas termais de Outariz.




30.5.17

Carlos Casares


Estas ilustracións foron creadas polo alumnado de 4º da ESO a partir da obra de Carlos Casares, escritor ao que se lle adicou este ano O Día das Letras Galegas

18.5.17

Con Manuel Sánchez Gálvez


"Como un escritor granadino coñece tan ben a historia de Vigo para ambientar a súa novela na nosa cidade?" "Algunha vez pensará escribir unha segunda parte para sabermos qué foi do pai de Xiana, si os avós viviron xuntos por fin na aldea, si Amanda e a sua filla atoparon o tempo perdido para estaren xuntas?" "Haberá unha película baseada en Maelström, Maelström?" Funcionaría a mesma historia cun protagonista masculino?" "Que hai de autobiográfico ou real na historia?"

A estas e moitas outras preguntas contestou o autor de Maelstöm, Maelstöm,  Manuel Sánchez Gálvez ( "chamádeme Manolo", díxonos) o pasado día 15 de maio no Clube de Lectura. Foi unha conversa moi interesante presentada pola profesora de Lingua Castelá e Literatura Marisol Mariño, quen nos explicou cómo foi testigo privilexiada do proceso de creación da novela. Os alumnos falaron con moita familiaridade e escoitaron atentos ás reflexións do autor no seu asombro ao ver como a súa novela pode tambén ser disfrutada por lectores tan novos.

Foi unha ocasión para coñecer en carne e óso ao creador dunha novela da que non só disfrutamos senón que nos axudou a comprender moito da historia da nosa cidade.


Grazas Manuel Sánchez, Manolo, por adicarnos o teu tempo e facernos apreciar todo o que houbo detrás desta estupenda novela: o traballo de investigación e o cariño a unha cidade que como ti dixeches: "góstame porque é distinta sempre, está viva".

12.5.17

Xogo para conmemorar o Día das Letras Galegas






No Alexandre Bóveda vanse celebrar as Letras Galegas. Este ano dedicadas a Carlos Casares. E pensamos nunha maneira de facelo, á vez, entretida e instrutiva.

         E organizamos un dobre concurso:

1. Elaboración dun encrucillado con preguntas que o alumnado debe buscar en distintos lugares do centro: na biblioteca, en conserxería, en vicedirección,… onde se atopa a figura do trasno, atoparanse diferentes preguntas  alusivas á vida e obra do personaxe homenaxeado.

2. Unha vez resolto o encrucillado, con cada resposta imaxinarán un xeroglífico.

E cada xogo (debidamente resolto) participará nun sorteo.





10.5.17

Maelström, Maelström

O pasado luns 8 de maio tivemos a sorte de analizar no clube de lectura a orixinal novela de Manuel Sánchez Gálvez Maelström Maelström: Ambientada en Vigo, a novela narra as historias paralelas dun capitán Nemo (o persoaxe de Julio Verne) afincado na nosa cidade a finais do século XIX e Amanda, unha nai separada e ambiciosa executiva no ano 2005. Como fío conductor da trama, un diario do capitán Nemo no seu cautiverio de inmortalidade en Vigo, que aparece no ático recién mercado por Amanda.  


Malia a aparente disparidade entre estes dous protagonistas, a novela trata o tópico literario da búsqueda de liberdade do ser humano frente a unha vida que o atrapa e da que aparentemente non é doado sair. Un libro que invita a reflexionar sobre as decisións que debemos tomar na vida, escrito en galego cun estilo cercano e salpicado de referencias á historia da nosa cidade. 
Tiñamos dúas horas por diante e comenzamos de seguida, entre restos de bocatas apurados e nervios de curiosidade. Pola miña parte, porque me inquedaba saber qué enfoque lle darían os alumnos a unha novela que non fora concebida para un público xuvenil; polo tocante aos alumnos, porque son unha profesora nova de inglés e se cadra non me coñecían. Decidín utilizar como soporte visual unha presentación con fotografías da cidade daquela época, para comprendermos mellor as referencias do libro a lugares de Vigo e a persoaxes cos que convive o capitán Nemo. Incluín tambén referencias biográficas daqueles homes e mulleres que contribuiron á historia da cidade (García Olloqui, Jenaro de la Fuente, Concepción Arenal) e fotos dos edificios emblemáticos nos que se desenvolve a trama. Ademáis, puidemos ver as estatuas de Julio Verne no paseo do Náutico e na illa de San Simón, e mesmo o submarino do Museo do Mar de Sanjurjo Badía, personaxe que tamén aparece na novela. Mesmo vimos e o cuadro Marinero en botella de Lugrís, que lle servira de inspiración ó autor para escribir a novela. 



Con todos estes elementos abordamos a historia do capitán Nemo en Vigo e aprendemos sobre o nacemento das primeiras rúas do Ensanche, o Cable Inglés ou o tráfico de trasatlánticos da época. 
Despois de comer a torta de chocolate que tiñamos para postre, e da que como ocorre con todas as tortas de chocolate non quedaron nen as migallas, "desmigallamos" tamén a historia do persoaxe de Amanda. A protagonista suscitou un debate interesantísimo e intenso sobre a difícil conciliación da vida familiar e laboral, o papel dos avós na crianza dos fillos no día de hoxe, e a inocente visión da vida dunha nena que ten a chave da felicidade da súa nai ó final da novela. Como conclusión,  todos estivemos dacordo en que os nosos Maelstroms, eses medos e dificultades que nos atrapan, poden vencerse. 
Cando nos decatamos estavamos a só cinco minutos para que comezasen as clases da tarde e todos quedamos coas ganas de seguir afondando máis nestas dúas historias tan afastadas no tempo pero á vez tan iguais. Fixemos a foto de despedida e gardamos na memoria moitas preguntas que tambén queremos facerlle a Manuel Sánchez cando veña presentar o seu libro. 

CARLOS LOZANO HEREJÍA 21 MARZO 2017



Como xa vén sendo habitual, todos os cursos o Departamento de Lingua Castelá pon en contacto ao alumnado cos autores das súas lecturas. En esta ocasión  é Carlos Lozano o encargado de comentar Herejía con 3º da ESO.

Carlos Lozano empeza dicindo que  tivo que documentarse amplamente para poder situar a acción na Idade Media, unha viaxe no tempo  á Zaragoza do século XV. Como autor habitual de thriller, tamén  está é unha historia de suspense, para o que hai que planificar perfectamente o escenario e que ningún cabo quede sen atar. Tamén hai unha historia de amor , pero coa mentalidade de xoves do século XV, con uns principios e modos de actuar moi distintos aos actuais.

Ao alumnado resúltalle apetecible unha viaxe no tempo á aquela época apestosa, caótica, insegura.. coa presenza constante da tremenda Inquisición.  As preguntas dos estudantes amosaron que a novela foi lida con moito interese.  Lozano, como non, rematou firmando exemplares do seu libro.

Reunión do Club manga


Luns 24 de abril, nova xuntanza dos clubs de Manga da área de Vigo. Esta vez convidados polo Coia 4 que nos tiñan preparado unha mañá no instituto chea de actividades: charlas, obradoiro de Magic, concurso de debuxo, concurso de Pokemon...

Sarela e Lucía deron unha charla na biblio sobre machismo e anime, moi, moi interesante e que deu pé a moito debate.

Uxía e Pablo, os nosos expertos en Pokemon, quedaron 2º e 3º na competición...

Para comer, e dado o magnífico día de sol, camiñamos cara a praia de Samil e alí se desenvolveron as actividades da tarde e, o máis importante, a entrega de premios!!!

O mellor, coma sempre que nos xuntamos, compartir a paixón polas historias, personaxes e xogos do MANGA.

Ah!!! e como vemos na foto, cada vez somos máis neste club!!!











9.5.17

Palabras de auga

O pasado 8 de maio reunímonos de novo os lectores e lectoras do club de lectura de 1º de ESO para falar sobre o libro de Marcos Calveiro Palabras de auga. 

A novela, ambientada en África,  relata a viaxe de Amadou e a súa tribu a través dunha sabana cada vez máis árida e poeirenta, fuxindo da violencia e da seca en busca dalgún lugar onde asentarse.
Por unha banda, temos o relato do día a día da tribu, e a todos chamounos a atención o enxeño con que as mulleres e os nenos obtiñan a auga e o alimento agochados nunha terra aparentemente deserta: a auga que se atopaba baixo as raíces dunhas determinadas plantas ou o gran almacenado polas formigas nos grandes formigueiros. Tamén comentamos o feito de que foran as mulleres as que se encargaran da supervivencia e do mantemento da tribu,  mentres que os homes se dedicaban unicamente á guerra, a cazar e a falar.

Pero por outra banda, tamén aparecen intercalados temas como o da  escravitude infantil e o dos nenos soldado, que aínda que parece que forman parte  dunha historia fantástica, son por desgracia unha realidade que  existe aínda nalgúns lugares de África. Falamos así da historia tan triste de Numba, o irmán de Amadou, e da aventura do protagonista e o pai para rescatalo, aínda que ó final, tiveran que dalo por perdido. E tamén comentamos o enigmático final, coa “gran formiga”, o camión cheo de gran que aparece trala tormenta de arena. Moitos dos nosos lectores e lectoras estaban seguros de que tivera que ser Numba quen o levara a escondidas para axudar á súa tribu. O certo é que ó final, a aparición deste camión xuntouse coa repentina aparición da chuvia e así Amadou e o seu clan puideron asentarse por fin e sementar o gran. Un final feliz que nos deuxou a todos cun bo sabor de boca.

30.4.17

Día do Libro

 
Como cada curso, gústanos conmemorar o Día do Libro da mellor maneira: compartindo lecturas. Xa hai tempo que descubrimos que ao noso alumnado lles motiva ir ler a outras clases ou escoitar a otros compañeiros.


Aproveitamos o Centenario de Gloria Fuertes, en colaboración co Departamento de Lingua e Literatura Castelá, repasamos a obra da autora e preparamos o recitado de poemas. Alumnas e alumnos de 1º ESO recitaronlles  aos  compañeiros de 3ºESO e os de 4º ESO foron regalados coas lecturas do alumnado de 2º ESO.


 Foi un descubrimento para todos pois , para a nosa sorpresa, non sabía nada da autora e nin da súa obra.


10.4.17

Charla de APAMP e ASPANAEX


Seguindo co noso propósito de facer deste lugar unha biblioteca solidaria, acollimos a asociación APAMP e ASPANAEX.



Nas charlas  destas asociacións, adicadas ao coidado e a mellora da calidade de vida de persoas con discapacidade intelectual e parálisis cerebral, contáronnos o seu día a día e concienciaron ao alumnado de 1º bacharelato e 3º ESO sobre a importancia e necesidade da integración.


30.3.17

Mulleres que foron exemplo



Outra actividade, para conmemorar o Día da Muller Traballadora, foi encher os corredores do instituto con frases, que recollían pensamentos salientables, de mulleres da historia que traballaron pola igualdade e dignidade en diferentes ámbitos científicos, literarios, culturais...


Recuperamos tamén o estupendo traballo sobre as persoaxes femininas na literatura, realizado polo Departamento de Normalización Lingüística, e o expuxemos na entrada do instituto.

22.3.17

Día Mundial da Poesía




Este curso, decidimos conmemorar o Día Mundial da Poesía coñecendo novos poetas e   lendo poesía.

Brais Nogueira, exalumno do noso instituto e  Guille Lorca viñeron a presentar ao alumnado de 1º bac os seus libros Agridulce e El invierno mientras llega el autobús.


Nun primeiro momento os editores expuxeron as liñas xerais da  editorial Estrellas Fugaces a que pertence a  Colección Entreversados, na que se publicaron os dous libros. Faláronnos do seu interés por apoiar a poesía, por descubrir a obra de mozos e mozas, por promover a literatura (microrrelatos, contos, poesía) dun xeito independiente.


Logo xa pasamos a descubrir  o proceso creador a través de Brais e Guille, a súa poética e a súa obra. Rematamos co recitado de varios poemas e marchamos un pouco máis felices.








15.3.17

Día Internacional da Muler Traballadora/ Dorna



O mércores 8 de marzo e para conmemorar o DIA INTERNACIONAL DAS MULLERES, o alumnado de 4ºESOº asistiu a unha charla na biblioteca organizada polo ROTEIRO POR COIA. Na charla Margarita Yáñez   e Aurita González, do colectivo feminista do barrio de Coia DORNA, compartiron co alumnado as súas vivencias en torno a o traballo feminino no sector das conservas. Un traballo sempre precario, mal pagado, sin opciones de ascenso nin formación profesional, considerado coma un complemento nas economías familiares.
Tamén contamos coa aportación de Mariña López, directora do museo da conserva ANFACO, que deu inicio á charla dende unha perspectiva histórica, facendo fincapé na idea de que o éxito deste sector en Galicia- foi o sector que inicio a industralización da nosa comunidade e é o sector punteiro de toda Europa- débese a o bo facer das traballadoras femeninas e as súas precarias condicións laborais.

Este encontro tivo unha gran carga emocional sobre todo cando Margarita  relatou como tivo que deixar os estudos para comezar a traballar con 12 anos na conserveira de Rivas e animou ao alumnado a valorar as oportunidades que teñen na actualidade. 
Para rematar imos reproducir eiquí o poema que leu María, unha alumna de 4º ESO para homenaxear a todas as mulleres loitadoras polos dereitos para acadar unha sociedade máis xusta. 


Deixamos o poema que unha aumna leu para comezar este acto:


          Elijo el sí como respuesta, 
          la afirmación frente a la negación,
          el "adelante" antes que el  "no puedo".

          Aprender a verle el lado bueno al cero,
         sumarle puntos a la vida sonriendo.

         Bailar
         y bailar
         y bailar, incluso cuando siento que no puedo.

         Elijo vivir,
         aún sabiendo que la caída 
         es la única técnica de aprendizaje.

         Elijo el amor
         el beso,
         el abrazo,
         amar cada pedazo de la persona a quien me debo.

         Elijo enredarme en mi propio pelo,
         aprenderme de memoria
         y descubrirme un poco más en cada día nuevo.

         Elijo el amanecer,
         el nuevo comienzo.

         Crecer,
         perder,
         permanecer
         y seguir sonriendo.

         Sigo poniendo por mí las manos en el fuego,
         los que no creían en mi 
         ya les he ido sorprendiendo.

         Estoy orgullosa de mí,
         y no tengo por qué esconderlo.

        Elijo equivocarme,
        una y otra vez,
        seguir aprendiendo.

         Elijo las cosquillas para que me ría,
         el golpe en las costillas
        y la vida en su sentido más pleno.

        Elijo vivir,
        no me culpen por ello.

                                             LORETO SESMA, Amor revólver





16.2.17

Los infortunios de Sbovoda

O luns 13 de febreiro tivemos unha  reunión do Club de lectura dos maiores (2ºESO-BAC). Nesta ocasión o libro escollido foi Los infortunios de Sbovoda do escritor húngaro János Székely , unha brillante alegoría da invasión nazi que sitúa nunha pequena vila checa. Se ben a obra foi escrita na década de 1940, nos limos a edición da mesma publicada en 2015 por Impedimenta.
Para comezar, e para situarnos, falamos un pouco sobre o contexto, no espazo e no tempo, da obra: xeografía e historia, imperio austrohúngaro, guerras mundiais e cambios na Europa política.... Falamos tamén sobre o autor, que exerceu como guionista de cine en Hollywood, chegando a acadar un óscar. Continuamos logo coa análise da obra por parte dos membros do club e un intercambio de opinións sobre a trama, analizamos os personaxes e os seus comportamentos (por suposto con diferenzas de opinións en algúns casos), e falamos sobre como se pode escribir sobre un tema tan escabroso dunha forma tan orixinal, fácil de ler e incluso, poderiamos dicir, divertida.

A maioría coincidimos en que nos gustou, e todo isto despois dun merecido xantar (con sobremesa incluída) logo dunha dura mañá de clases.