18.12.14

Circunloquio de lectura

O pasado 27 de novembro reunímonos no primeiro CIRCUNLOQUIO DE LECTURA, unha xuntanza de compañeiros e compañeiras coa finalidade de compartir os nosos gustos literarios, cinéfilos...

Nesta primeira convocatoria falamos de lectura, cada un levou  un ou varios libros que dalgunha maneira eran significativos para cada quen. A presentación e os animados comentarios sobre esas lecturas despertaron o noso interese e curiosidade. Para que tod@s vós podades gozar destas suxestións, aí vai a lista  co nome da persoa que os recomendou:

José Luis Suárez: ROBERT WALSER, El Paseo.
Ana López: JASMÍN CROWTHER, La cocina del azafrán.
Ana Álvarez: IVO ANDRIC, Un puente sobre el Drina;
                     RYSZARD KAPUSCINSKI, El imperio.
Pilar Ramos: MAALOUF, Los desorientados;
                    MIGUEL DELIBES, El hereje.
Ángeles L. Rielo: XESÚS CONSTELA, Shakespeare destilado;
                         SANDRA CISNEROS, A casa de Mango Street.
Luz Valencia: J. LE CARRÉ, Una verdad delicada;
                     HILARY MANTEL, Una reina en el estrado.
Fonso Piñeiro: PAASILINNA, O muiñeiro ouveador;
                      SANDOR MARAI: La mujer justa
Paz López: BARRY GIFFORD, LAWRENCE LEE, El libro de Jack.
Daniel R. Pizarro: SAVIANO, CeroCeroCero.
Celia García Fole: ÁNGEL GONZÁLEZ, Palabra sobre palabra;
                            GIOCONDA BELLI, El ojo de la mujer.

16.12.14

Visita de Antón Riveiro Coello


Antón Riveiro Coello tivo a ben visitarnos, invitado polo Departamento de Lingua Galega, este luns 15 de decembro ás 12:30 para falarnos ao alumnado de 1º de bacharelato e ao profesorado que asistimos sobre As rulas de Bakunin. Foi un auténtico luxo para o instituto contar coa súa presenza. 
O autor, que se declarou tímido, repasou nun ton baixiño e monocorde, algúns episodios fundamentais da súa biografía que o levaron á converterse en escritor. Falounos do Xinzo de Limia dos anos 70; de como encontrou refuxio na guitarra e nas palabras durante a adolescencia; da capacidade para narrar como unha capacidade útil para levar unha carreira de Dereito, pola que non se apaixonou, e como principal recurso para seducir á que hoxe é a súa muller e apoio fundamental na súa angueira creativa.

 Logo pasou a falar das Rulas e tratou os temas que, despois de 14 anos e catro edicións, sonlle máis suscitados nos encontros nos que participa: o carácter simbólico do título (a liberdade, a emigración e o cariño da palabra “rulas”); de onde xurdiu a novela e o deseño do personaxe do Lambeconas; de onde xurdiu a idea do recitado dun libro; como se documentou e como tratou os personaxes inspirados nunha mestura de persoas reais. Contou, en fin, anécdotas dos encontros co lectorado. Tamén confesou que non consideraba As rulas de Bakunin a súa mellor novela. Non obstante levounos polos lugares máis emblemáticos da súa historia por medio dunha presentación de fotos de Vilaboa e Celas, nos arredores da Coruña.

No remate algunhas alumnas e alumnos preguntáronlle cuestións sobre a novela. “Son moi boas preguntas, difíciles e pensadas”, comentou admirado, e respondeunas sen alarde nin excesivas explicacións, mantendo intactas así as interrogantes que provoca un gran libro.

Lorena Pérez Torrón ( Profesora de Lingua Galega e Literatura).


12.12.14

Tempo de lecer

Un ano máis a rapazada non deixa de nos sorprender. Neste pequeno volume atoparedes unha manchea de contos moi imaxinativos. A proposta inicial era clara: “Que se pode facer no tempo de lecer? Que imaxinas que pode pasar en quince minutos de recreo?" Pois as respostas son moi variadas e divertidas. Finalmente fixemos unha selección dos mellores e esperamos que vos divirtades polo menos tanto coma nós lendo estes relatos. Grazas a todo o alumnado participante de 3º de ESO e 2º de Bacharelato. e a Fonso, o seu profesor. Nunha sociedade libre é preciso a imaxinación.

3.12.14

Concurso de relatos sobre a violencia de xénero

O noso alumnado participou no concurso  de relatos ou traballo de investigación "Que sabemos sobre a violencia que se exerce no mundo sobre as mulleres e nenas?" convocado pola Asociación de mulleres DORNA, do barrio cercano de Coia e pola Concellería de Igualdade do Concello de Vigo. A  participación e o entusiasmo por esta actividade do noso alumnado de 1º ESO foi premiado cun lote de libros que entregou a Concelleira de Cultura e a Presidenta da Asociación Dorna.

Contacontos


Unha vez máis, e gracias á xenerosidade da editorial Richmond-Santillana, todo o alumnado de 1º Bac puido ter a sorte de disfrutos nunha sesión de contacontos/storytelling, xa que foi en inglés e galego. Tim Bowley e Charo Pita tiveronnos enfeitizados coas súas historias traídas de todas as partes do mundo, dende as terras dos Inuit ata o mesmo Vigo. 

Tivemos tamén a oportunidade de volver escoitar a preciosa voz de Charo acompañando un dos seus relatos favoritos, A muller Esquelete. Gracias a Charo e a Tim, e como non, gracias tamén a Richmond-Santillana que nos permiten cada ano deixar atrás aínda que non sexa máis que por un par de horas, o vértigo do mundo dixital e submerxernos nun mundo que non pode quedar esquencido, o da tradición oral.

25.11.14

25 de novembro: Día contra a violencia de xénero

Hoxe e sempre, contra a violencia de xénero


Libre te quiero

Libre te quiero,
como arroyo que brinca
de peña en peña.
Pero no mía.

Grande te quiero,
como monte preñado
de primavera.
Pero no mía.

Buena te quiero,
como pan que no sabe                          
su masa buena.
Pero no mía.

Alta te quiero,
como chopo que al cielo
se despereza.
Pero no mía.

Blanca te quiero,
como flor de azahares
sobre la tierra.
Pero no mía.

Pero no mía
ni de Dios ni de nadie
ni tuya siquiera.


Agustín García Calvo
(Canciones y soliloquios, 1976)

21.10.14

Novidades

Un curso máis a voltas coa biblio, collendo o testigo de Beni quen, despois de moitos anos e moito traballo, decidiu pasar a un segundo plano, pois desaparecer non lle está permitido. A nós ilusión non nos falta e para que vos animedes a visitar a biblioteca, aí vos deixamos algunhas das novidades.
 

11.5.14

Certames literarios

Desde o departamento e Galego, convócanse novas edicións dos concursos:


- SABOROSO SON DOS VERSOS SALGADOS  (Ler bases aquí)
- TOLOSCONTOSCURTOS (Ler bases aquí)

31.3.14

ACTIVIDADE DE ANIMACION A LECTURA: DEPARTAMENTO DE INGLÉS

       Esta actividade levada a cabo co grupo de 4º ESO A enmárcase dentro do Proxecto lector do Departamento de Inglés. Na programación figura a obrigatoriedade de facer un numero de lecturas, que varía para cada nivel. No departamento tomamos a decisión de non sinalar lecturas únicas por nivel, senón ofrecer varias suxestións de títulos que abranguen unha variedade de temas e niveis para cada curso. Deste xeito pretendemos que o alumando poida escoller lectura segundo os seus intereses e nivel de competencia.
    
    Na actividade feita polo grupo 4º ESO A no primeiro trimestre, cada alumno/a escolleu unha lectura a partir dunha lista de clásicos adaptados (por exemplo, Doctor Kekyll & Mr Hyde, A Christmas Carol, The Call of the Wild, Romeo and Juliet, The Hound of the Baskervilles, entre outros). Logo da lectura na casa, e da presentación dunha pequena recensión crítica, cada alumno/a tivo que escoller un parágrafo do libro que considerase axeitado para animar aos compañeiros á súa lectura, así como unha ilustración para presentalo de xeito atractivo. Así mesmo, incluíron a información precisa para localizar o libro na biblioteca. Con todos os traballos fíxose unha exposición na clase. No segundo trimestre, cada alumno/a “visitou” a exposición e escolleu, de entre todos os presentados, o seguinte libro para facer o traballo de clase.
   
    Pensamos que é moi importante que a lectura, aínda sendo obrigatoria como actividade, se adecúe o máis posible aos gustos e nivel do alumnado, así podemos conservar o interese do alumnado lector, e tratar de espertar o daqueles que aínda non o son.
Luz valencia

27.3.14

Poetízate con Fran Alonso.

O venres 14 de marzo visita a biblioteca do IES Alexandre Bóveda o escritor Fran Alonso. Viña falar de poesía … e falou!
Asistía o alumnado de 4º da ESO, lectores e lectoras da súa antoloxía de poesía Poetízate.
Nunha primeira parte da exposición amena, lúdica e a xeito de recital , o autor intenta explicar ao público xuvenil as catro dimensións da poesía valéndose dalgúns efectos curiosos. Comeza ensinando un globo amarelo que vai inchando para despois preguntarlle ao público que lle parece e explica que a palabra é a primeira dimensión da poesía. E así fai coas demais dimensións: cunha caixiña de música explica o ritmo; sacando papeis de cores dun libro-caixa explica a maxia; e coa lectura (rápida ou lenta) dun poema explica o silencio.

A segunda parte da intervención do escritor convértese nun recital. Con poemas seus e doutros autores transmite as súas ideas sobre para que serve a poesía: a súa presenza en todas partes, a poesía como denuncia, a poesía para falar de amor e decepción …
E non deu tempo a máis … Xa despois do timbre como conclusión e do mesmo xeito que empezou, sacou un globo azul para rematar dicindo que a poesía é “un berro de liberdade”.
Facéndome eco dos comentarios do alumnado tomo prestadas as palabras de Carlos Negro na introdución ao libro Poetízate, cando compara a poesía cunha onza de chocolate porque tamén un poema é “ escuro, pequeno e o máis bo do mundo” e sempre sabe a pouco como esta charla. Grazas Fran.

Crónica de Elsa lamas

26.3.14

Con Nuria Pradas

             A escritora catalá Nuria Pradas visitounos na biblioteca do instituto o mércores 12 de marzo para falar co alumnado de 1º de ESO, en dúas sesións,  da súa novela El misterio de la calle de las Glicinas, que leron no primeiro trimestre na asignatura de Lingua Castelá.
            Tamén falou da súa interesante triloxía de novelas curtas:. “Heka, un viaje mágico a Egipto”; “Raidho, un viaje con vikingos” e “Koknom, una aventura en tierras mayas”, da editorial Bambú, das que a primeira fora lida tamén por algúns dos que estabamos alí.
            As alumnas e alumnos preguntáronlle varias cousas referentes ao libro: sobre as personaxes, a trama e o desenlace ou os sitios onde se ambientaba a novela, pero tamén fixeron preguntas máis persoais sobre o oficio de escritora, como se prefería adicarse a escribir ou á docencia, en que se baseaba para inventar as súas historias, canto tempo lle levaba escribir unha novela ou, incluso, canto gañaba escribindo. A todas elas respondeu Nuria Pradas de xeito moi ameno e entretido.
            En resumo, unha visita moi interesante  para todos os alumnos/as, moitos dos cales puideron levar ademáis os seus libros adicados e asinados pola propia autora.

21.3.14

Ciencia e biblioteca. Os ecosistemas.

O alumnado de 2º ESO B, baixo a batuta da profesora Rosa Conde, presenta este proxecto que levaron a cabo durante este trimestre. Trátase dun traballo onde, tras a primeira toma de contacto na clase, realizaron as correspondentes investigacións na biblioteca e plasmáronas en diversos formatos para posteriormente expoñer e explicar o aprendido aos compañeiros de clase. Cos materiais producidos  (maquetas e murais) fíxose unha exposición. Pero son eles mesmos os que nolo contan neste vídeo:

5.3.14

Con Marcos Calveiro na biblioteca

O luns 24 de febreiro, nunha xornada de carnaval no insti, visitounos Marcos Calveiro, autor do libro Palabras de auga que tiñamos traballado no club de lectura e máis na clase de 2º ESO B. Foi una sesión moi amena e instrutiva, na que Marcos, a través dunha presentación dixital, nos foi mostrando como se lle ocorreu a idea para a novela e como inventou para esta unha tribo a partir de diversos costumes e tribos africanas. Entre as cousas que chamaron a atención estiveron a especial configuración dos poboados (boma) e os costumes tan distintos dos nosos, como o feito de iren correndo para a escola, o andar seguido en busca de auga e o uso desta como instrumento. E dos costumes pasamos aos problemas: a seca na sabana por causa do cambio climático, o problema dos incendios polo cultivo de rozas e, sobre todo, pola explotación dos recursos naturais a cargo de compañías multinacionais, que utilizan o lume como método para desaloxar as tribos e que moitas veces actúan en connivencia con gobernos corruptos. E, como non, falounos dos nenos soldado, un problema que moitas veces se orixina no noso mundo a causa do consumismo, como ocorre coa explotación de nenos para a producción do Coltán que usan os nosos teléfonos móbiles.
Ao final, coma sempre, houbo un pouco tempo para asinar libros. Agradecémoslle a Marcos a súa visita e amabilidade. Para os mozos e mozas do club de lectura foi un auténtico placer escoitalo e aprender tantas cousas.

...

25.2.14

Os relevos. Un proxecto de Ciencias.

Como ven sendo habitual, o Departamento de Bioloxía prepara cos alumnos de 3º e 4º de ESO uns traballos sobre diferentes temas. En cursos anteriores preparamos a estrutura do ADN, a célula ou a mitose. Este curso dedicámolo ao estudo dos diferentes relevos: fluvial, costeiro, volcánico, glaciar... Nestes traballos valóranse os coñecementos científicos, pero tamén se teñen en conta factores como a busca de información, con visitas á biblioteca do centro; o uso de internet e doutras fontes posibles; o traballo en equipo, a colaboración e solidariedade e a imaxinación para artellalo mediante o uso de diferentes materiais.
Cumpre dicir que todos os traballos estiveron moi por enriba do nivel, polo que nos resultou difícil escoller os cinco finalistas. Realizamos un vídeo onde a profesora e os gañadores nos explican o proceso.
Tamén deixamos una presentación de fotos da exposición dos traballos e dos libros relacionados co tema. 

22.2.14

VISITA DE MARÍA MENÉNDEZ-PONTE

O venres 21 tivemos unha visita especial. Trátase da autora María menéndez-Ponte, que causou moitísima expectación entre o alumnado de 2º de ESO que traía lida e relida a novela Nunca seré tu héroe, traballada nas clases de literatura. Pasou unha hora voando, nunha serie de preguntas do alumnado e repostas da autora que viñeron a resumir non só a historia , senón tamén as motivacións da autora e dos personaxes, o proceso de creación, a mestura de realidade e literatura, e os folgos que reciben os adolescentes cando len o libro e lles entran gañas de convertirse en heroes das pequenas cousas cotidianas. Cabe destacar tamén que o libro gustou tanto a mozos como a mozas, como o demostra a longuísima cola que se formou para asinar exemplares e a cantidade de fotos que se fixeron con María, que tivo palabras amables para todos/as. Agradecemos esa amabilidade e o bo facer que demostrou. Isti foi empezar o día cunha inxección de optimismo para o alumnado. Grazas, María.

9.2.14

Día da Paz 2014

Como todos os anos, celebramos outra vez o día da Paz. Nos días previos difundiuse entre o profesorado un cuestionario para que puidesen tratar o tema nas clases. No día 30 fixemos una sesión de vídeos, con curtas e canción sobre a Paz. Incluían as curtas Pigeon ImpossibleAbrazos, e as cancións Solo le pido a Dios, Blowing in the wind, La calle Mayor, Rosa de la Paz e Irmaus. Un día para a reflexión, no que agradecemos a colaboración do profesorado. Tamén aproveitamos para entregar os premios do concurso de lectura "O libro do trimestre" e os do concurso sobre Matilda feito no club de lectura. Pero isto merece un post a parte no blog do club de lectura.


3.2.14

Taller de escritura medieval

Nestas  últimas semanas, o alumnado de 3º e 4º de ESO participou nun taller de escritura medieval. Baixo a batuta da profesora Pilar Ferrín, convertíronse en copistas medievais por uns días, tomando como tema as moralexas de El Conde Lucanor. O resultado pódese ver estes días polos corredores do instituto.

26.1.14

Lección de cidadanía con David Amor

Este venres 24 visitounos o artista David Amor, para compartir una clase de cidadanía co alumnado de primeiro de bacharelato.  Tivemos a sorte de ver unha cara moi diferente do artista , polo menos unha á que non estamos acostumados na nosa vida diaria. Deixando atrás o mundo da comedia, ofreceu unha visión crítica do mundo que nos rodea, tratando temas como o poder mediático, a capacidade humana de superación, as barreiras que nos poñemos a nós mesmos como individuos, e incluso un tema que parece rexurdir das nosas entrañas: a dignificación de Galicia e a súa lingua nai fóra das nosas fronteiras.
Non nos queda outro remedio que agradecer esta amena lección de humanidade que nos brindou David nas escasas dúas horas que puidemos compartir con el. Gran artista, mellor persoa.

Ana Andrés Domínguez
Brais González Nogueira