17.10.12

Premio Xuventude Crea para Inés

E un pracer para toda a comunidade educativa en xeral, e para o equipo da biblioteca en particular, que a que foi alumna nosa ata fai so tres meses, Inés Rodríguez Naz, veña de estrenarse no mundo dos premios literarios fóra do insti, pois aquí xa ten acadado varios. Inés ven de gañar o primerio premio da especialidade de relato breve do certame galego de creadores novos Xuventude crea 2012, coa obra Mitos en ámbar . Os nosos parabéns para Inés, que durante os seis anos que estivo aquí foi unha activista da biblioteca, participou no club de lectura (asistindo incluso ás Xornadas dos clubs de lectura celebradas recentemente en Santiago), foi gañadora varias veces da actividade O libro do mes, da Olimpíada do Saber e de varios certames literarios no insti, o último o de Toloscontoscurtos. Ademais deulle tempo a acadar matrícula de honra e a obter un dos Premios Extraordinarios de Bacharelato. Agardamos o seguinte paso e pode que dentro de pouco a teñamos de volta por aquí como autora.

7 comentarios:

O Segrel do Penedo dixo...

Parabéns a Inés e a eses extraordinarios profes que a acompanaron na súa viaxe polo mundo dos libros e a lectura.
Apertas lectoras dende Fene!!

Beni dixo...

Graciñas, pero me temo que todo o mérito é dela...

olga dixo...

Noraboa para Inés. E todo o meu recoñecemento para os profesores e profesoras que lle contaxiaron o gusto pola literatura e lle ofreceron os coñecementos necesarios para facelo tan, tan ben.
Apertas colorosas desde Malpica.

Unknown dixo...

Moitísimas gracias!

Uau, a verdade é que estes últimos meses estiveron cheos de sorpresas, e a menos esperada de elas foi sen dúbida este premio de Xuventude Crea. No verán apetecíame escribir e sentíame inspirada por todas estas emocións de comezar unha carreira universitaria, deixar o instituto, ir a vivir fóra da casa... Todo moi filosófico!Entón busquei concursos de relato breve en galego e foi o que mellor pinta tiña, así que... de cabeza!
E mira ti que sonou a frauta! Posiblemente foi a sorte do principiante, mais aínda así non dubidedes da miña volta ós concursos literarios en canto bioquímica e anatomía me dean un respiro. Medicina e literatura non teñen por que estar reñidas.
Por suposto, agradecer á biblioteca do meu benquerido IES Alexandre Bóveda (e en especial a Beni, ese motor incansábel) por todas esas actividades que nos descubren o marabilloso mundo da literatura. Especial mención ao club de lectura, claro está. Bótanse en falta as nosas discusións e eses xantares dos luns jejeje. Estou máis que segura de que non tería gañado este premio de non ser polos concursos literarios da biblioteca. Nalgúns houbo sorte, noutros non, pero só cando se intenta se aprende.

Bueno, pois remato dicindo que tentarei pasar polo instituto para facer unha visita tan pronto como me sexa posible, pero é que estando en Santiago e con turno de tarde resulta difícil...

Ah! Beni, xa che pasarei o meu relato, pero teño medo de que ti e Carmen o critiquedes cruelmente como nesas sesións do club de lecura. Non sexades malos!!

Unha aperta fortísima! :)

Beni dixo...

Quita, parva, que nos vas facer chorar. E pasa o relato sen medo, que se hai que criticar farémolo ás túas espaldas e non che vai doer...jeje

Loli dixo...

Parabéns Inés, dende a biblioteca do Pintor Laxeiro. Parece que foi onte cando estabas polos nosos corredoiros.


Luz V dixo...

Congratulations! Aínda onte preparei un relato que escribiu Inés na clase de inglés de 4º ESO (Mary Worth, remember?). Vouno usar este ano con outro grupo, co teu permiso, claro!
Sempre adiante, ata o Nobel (agardo invitación a ceremonia de entrega!).
Luz Valencia